Elon Musk bëri një postim të dielën mbrëma në Twitter për të mohuar pretendimet se ishte në një lidhje dashurie me gruan e themeluesit të Google, Sergey Brin, Nicole Shanahan.
Musk, 51-vjeçar, konfirmoi se ai dhe Brin janë ende miq dhe zbuloi se ishin në një festë së bashku të shtunën në mbrëmje.
Ai tha gjithashtu se e ka parë Nicole Shanahan, gruan e Brin, vetëm në dy raste dhe me shumë njerëz të tjerë të pranishëm.
Elon Musk’s allegedly banged Google co-founder Sergey Brin’s wife leading to the couple’s divorce filing. The two are apparently no longer friends. @elonmusk https://t.co/87JEc3fSe6
— Whole Mars Catalog (@WholeMarsBlog) July 24, 2022
“Kjo është totalisht e pavërtetë. Sergey dhe unë jemi miq dhe ishim në një festë së bashku mbrëmë”, shkroi Musk. “Unë e kam parë Nicole vetëm dy herë në tre vjet, të dyja herët me shumë njerëz të tjerë përreth. Asgjë romantike”.
Artikulli u publikua fillimisht nga Wall Street Journal, në të cilin thuhet se CEO i Teslas dyshohet se kishte pasur një lidhje me Shanahan në kohën kur ajo dhe Brin po përgatiteshin të divorcoheshin.
Një raportim tjetër tha që Elon gjunjëzuar dhe i ishte lutur Brinit që ta falte.
Musk aktualisht është përfshirë në një betejë ligjore për planin e tij për të blerë Twitter për 44 miliardë dollarë.
Platforma e mediave sociale paditi njeriun më të pasur në botë në fillim të këtij muaji dhe gjyqi do të fillojë në tetor. /Telegrafi/
