Videoklipi “Më Fal” la pa fjalë analistët dhe ekspertët e shoubizit shqiptar dhe në përgjithësi të gjithë adhuruesit janë befasuar nga videoklipi i Elita 5, grupi që në kuadër të albumit “Mohikani i Fundit”, lansoi edhe klipin në fjalë.
Në një intervistë për Shekulli, vokalisti i grupit, Arif Ziberi, thotë se grupi në 10 vitet e fundit ka punuar me përkushtim shumë të madh në projektet e reja. Ai thotë se nga albumi do të dalin disa hite.
Sa i përket videoklipit, Ziberi komplimenton regjisorin për punën e bërë.
“Kënga është një baladë e punuar me shumë përkushtim, ideja lindi nga regjisori i klipit, i cili ka bërë një punë shumë të madhe, ka bërë një film, e jo si bëhen klipet e sodit”, ka thënë Arif Ziberi. /Telegrafi/
