Xhaz kompozitorja shqiptaro-zvicerane, Elina Duni, vjen me performancë në Anibar.
Me tingujt e saj unik të gërshetimit te tradicionales dhe xhazit, këngëtarja shqiptare me famë ndërkombëtare, më 16 gusht do ngjallë pjesën dëfryese të festivalit Anibar.
Elina Duni që nga viti 2012 ka nënshkruar kontratë me ECM Records. Ajo padyshim është një prej artisteve të rralla krijuese dhe interpretuese.
Kombinimi i këngëve tradicionale folklorike shqiptare me xhazin ka zgjuar kureshtje dhe duartrokitje te njohësit e muzikës.
Për këtë projekt, Elina Dunit do t’i bashkëngjitet kitaristi Rob Luft, i vlerësuar si një prej yjeve në ngritje të skenës bashkëkohore të xhazit Londinez.
Performanca e Luft përmban oshëtime të Afrikës Perëndimore, folklorit anglez dhe ‘rock indie’, të cilat gjejnë një homologe ideale në vokalin e Elina Dunit.
Për të kompletuar formacionin, me këtë rast, duo fton bateristin italian Enzo Zirilli, tingujt e të cilit i pasurojnë këngët e përjetshme popullore.
Ju ftojmë që të mos e humbisni ketë performancë të paharrueshme më 16 gusht në parkun Karagaq në Pejë.