Një turist amerikan 80-vjeç, humbi jetën kur u sulmua nga një elefant derisa ishte pjesë e një grupi turistësh në Zambi, shkruan Sky News.
Një mysafire tjetër gjithashtu pësoi lëndime në incidentin që ndodhi në parkun kombëtar Kafue në Zambi, transmeton Telegrafi.
Grupi prej gjashtë mysafirësh dhe udhërrëfyesi ishin në kampin Lufupa gjatë 30 marsit, kur vetura e tyre u sulmua befasisht nga kafsha gjigante.
An elephant at Kafue National Park charged at a safari truck killing one woman. Footage captured by one of the tourists on board shows the elephant chasing the vehicle for more than half a mile through the national park in Zambia
More ➡️ https://t.co/rOj920neMC pic.twitter.com/EpLMXEE1lU
— Sky News (@SkyNews) April 3, 2024
Në videon amatore shihet momentin kur elefanti ndjek grupin e turistëve. Vetura në të cilën gjendeshin turistët, po kalonte nëpër parkun nacional kur elefanti iu afrua atyre.
Kafsha gjigante arriti ta rrokullis veturën duke e goditur me hundë kurse turistët bërtisnin. Të tjerët që ishin në veturë janë dërguar për trajtim në spital. /Telegrafi/
