Sopranoja nga Kosova, Elbenita Kajtazi, që nga muaji shtator i këtij viti do të jetë pjesë e shtëpisë operistike të Hamburgut, Staatsoper Hamburg.
“Miq të dashur, sot dua të ndaj me ju një lajm të mrekullueshëm! Jam e stërlumtur që më në fund mund ta bëj publike! Shtëpia operistike e Hamburgut-Staatsoper Hamburg, ka hapur dyert për mua dhe do të jetë shtëpia ime e radhës në të cilën do performoj shumë role sfiduese por të stërdashura për mua! Të jesh pjesë e ansamblit të një shtëpie opersitike sikur ajo e Hamburgut është privilegj shumë i madh, puna dhe përkushtimi i madh që i kam vënë këtij profesioni po më shpërblehet çdo ditë, prandaj miq të dashur nuk duhet dorëzuar asnjëherë sepse asgjë nuk është e pamundur!” , është shprehur ajo në profilin e saj në Facebook. /Telegrafi/
