Telegrafi

Elbasan Rashani i jashtëzakonshëm, futet nga banka dhe i shënon dy gola Lyonit për t’i dhuruar një pikë skuadrës së tij

Romak Zeqiri

Elbasan Rashani ka shkëlqyer në ndeshjen ndaj Lyonit, ku skuadra e tij mori një barazim të artë 3-3.

Sulmuesi i Kosovës ka qenë vendimtar në një tjetër takim për ekipin e tij, kësaj radhe me dy gola të shënuar.

Lyon ishte duke fituar 3-1 nga pjesa e parë, derisa Rashani u fut në lojë në minutën e 69-të të ndeshjes.

Golin e parë personal në këtë takim vushtrriasi e shënoi në minutën e 80-të, një gol i bukur duke paraboluar portierin vendas.

E krejt në fund të takimit, Elba doli përsëri në skenë ku kësaj radhe shënoi me kokë për barazimin 3-3.

Këta ishin dy golat e parë të Rashanit në Ligue 1, derisa në xhiron e parë dhuroi një asistim.

Clermont pas tri ndeshjeve ka shtatë pikë, me dy fitore e një barazim.

Forma fantastike e Rashanit gëzon edhe trajnerin Bernard Challandes para përballjeve të Kosovës në muajin shtator. /Telegrafi/