Gjermanët dominuan gjatë pjesës më të madhe të takimit si me raste ashtu dhe në të gjitha statistikat tjera. Sidoqoftë, ishin rusët ata që realizuan të parët. Kasaev pas një asistimi të Bukharov (21’) kaloi mysafirët në epërsi duke shokuar Wolfsburgun në fillim të takimit.
Në pjesën e dytë trajneri vendas Armin Veh inkuadron sulmuesin e shpejtë Obafemi Martins që u tregua të jetë zëvendësim i qëlluar. Ishte Martins ai që pas një asistimi të Josip Simunek shënoi për barazimin e rezultatit dhe ringjalljen e shpresave te tifozët vendas (58’).
Ndeshja në vazhdim i takoi plotësisht gjermanëve, megjithatë edhe pas rasteve të shumta, kampioni i Gjermanisë dështoi para portës së portierit rus Ryzhikov. Si pasojë, ndeshja u detyrua që për shkak të rezultatit të shkojë në vazhdime, dhe fati të përcaktohej pas 120 minutave lojë.
Në vazhdime gjermanët shkelën rusët me raste të njëpasnjëshme, por të cilat nuk ishin konkrete. Megjithatë një minutë pa përfunduar vazhdimet (119’), Christian Gentner shënoi pas asistimit të njeriut të ndeshjes Obafemi Martins për të kualifikuar gjermanët në çerekfinale të Europa League me rezultat të përgjithshëm 3-1.
Skuadrat e kualifikuara në çerekfinale të Europa League janë:
Fulham
Liverpool
Atletico Madrid
Standard Liege
Benfica
Valencia
Wolfsburg
Hamburg
/Telegrafi/