Ky është momenti kur ekuipazhi në bordin e aeroplanit hapësinor të Virgin Galactic festoi misionin e parë komercial të kompanisë.
Studiuesi italian Walter Villadei dhe instruktori i astronautëve të kompanisë Colin Bennett ndanë një moment festiv brenda anijes kozmike, që u largua nga atmosfera e Tokës dhe u ngjit në ‘skajin’ e hapësirës për të kryer eksperimente shkencore, transmeton Telegrafi.
Ky është një moment historik për Virgin Galactic, që u themelua nga Richard Branson në 2004, me qëllimin për të ofruar fluturime komerciale në hapësirë – një arritje që u deshën vetëm 20 vjet për t’u arritur.
Dita e sotme shënoi misionin e parë të kompanisë, në vend të një fluturimi testues. Misioni 90-minutësh filloi nga Spaceport America në New Mexico rreth orës 8:30 të mëngjesit.
Aeroplani-raketë, i njohur si Unity, ishte i lidhur me një “mothership” një aeroplan transportues të quajtur VMS Eve.
Eva është një lloj aeroplani transportues që dërgoi Unity, 44,500 ‘këmbë’ mbi sipërfaqen e Tokës për ta lëshuar atë. Unity ndezi shtytësin e tij dhe e mbylli sapo arriti në hapësirë.
Në kulmin e fluturimit, aeroplani hapësinor ‘i hapi’ krahët e tij dhe u hodh mbi atmosferën e planetit tonë, duke i lejuar burrat të përjetojnë pamje epike të kufirit përfundimtar për disa minuta. /Telegrafi/
