Vlera totale e eksporteve të mallrave nga vendi në periudhën janar-mars të këtij viti arriti në 1.552,953.000 dollarë dhe ka shënuar rënie për 10.8 përqind në krahasim me të njëjtën periudhë të vitit të kaluar. Vlera e mallrave të importuar në tremujorin e parë të këtij viti arriti në 2.116.414.000 dollarë, që është 6.3 përqind më pak në krahasim me tre muajt e parë të një viti më parë. Deficiti tregtar në periudhën janar-mars të këtij viti arriti në 563.460.000 dollarë, informojnë nga Enti Shtetëror për Statistika.
Mbulimi i importeve me eksporte në periudhën janar-mars të këtij viti është 73.4 përqind, përcjell Telegrafi Maqedoni.
Shkëmbimi tregtar sipas produkteve tregon se pjesa më e madhe në eksporte kanë marrë pjesë katalizatorët e transportuesve me metale të çmuar ose përbërjet e tyre, grupe përcjellësish ndezjeje dhe të ngjashme, për automjete, avionë ose anije, pjesë të sediljeve nga nëngrupi 821.1 dhe automjete motorike për transportin e 10 ose më shumë personave.
Në importet janë kryesisht aliazhe platini dhe legure, vajra të naftës të papërpunuara ose pluhur dhe vajra që rrjedhin nga minerale bituminoze (përveç papërpunuar), hekuri i papërpunuar ose çeliku jo-aliazh.
Në tremujorin e parë të këtij viti, sipas vëllimit të përgjithshëm të tregtisë së jashtme, vendi ynë tregtonte kryesisht me Gjermaninë, Britaninë e Madhe, Serbinë, Greqinë dhe Bullgarinë./Telegrafi/