Pasi që Turqia dhe Siria u goditën dy javë më parë nga tërmetet shkatërruese, në internet u shfaqen pamje të “dritave mistike” që shndritën qiellin në momentin kur po ndodhnin tërmetet.
Edhe pse në internet mund të gjendeshin një sërë shpjegimesh të këtij “fenomeni”, zyrtarët turq kanë shpjeguar sesi “rrufeja”, përkatësisht dritat nuk paraqesin asgjë të pazakontë dhe se për gjithçka ekziston një arsye, transmeton Telegrafi.
Drejtori i Agjencisë turke për Menaxhimin e Fatkeqësive dhe Emergjencave (AFAD), Orhan Tatar, e trajtoi këtë çështje gjatë një konference për shtyp dhe tha se fenomenet si rrufeja janë të zakonshme.
“Në një thellësi prej 8-9 kilometrash, korja e tokës thyhet dhe kjo thyerje ndodh përgjatë planit të fërkimit”, tha Tatar.
Për shkak të kësaj, shpjegon Tatari, është normale që një masë e dendur drite, e ngjashme me një goditje rrufeje, të formohet përgjatë vijës ku ky gabim ndodh me një efekt kaq të madh fërkimi.
“Tërmeti shkaktoi shkatërrime të drejtpërdrejta në 10 provinca. Ne kemi llogaritur zonën e ndikimit prej 110 mijë kilometrash. Kur vlerësojmë informacionin nga terreni, dimë se ka ndërtesa të dëmtuara në vendbanime të ndryshme, veçanërisht në provincat afër epiqendrës së tërmeti”, shpjegoi Tatari. /Telegrafi/
https://www.youtube.com/watch?v=w3Ozn7vZFSg&embeds_widget_referrer=https%3A%2F%2Fwww.klix.ba%2Fvijesti%2Fsvijet%2Fturci-objasnili-zasto-se-na-nebu-pojavila-svjetlost-tokom-razornog-zemljotresa%2F230219031&embeds_euri=https%3A%2F%2Fwww.klix.ba%2F&embeds_origin=https%3A%2F%2Fwww.klix.ba&source_ve_path=MjM4NTE&feature=emb_title&ab_channel=ClickHeartTV2