Një ditë pas mbledhjes së Këshillit të Sigurisë së Kosovës, Kryeministria ka informuar se institucionet janë alarmuar pasi kanë zbuluar veprime të disa individëve, të cilat kanë planifikuar akte kundër disa liderëve institucionalë dhe politikë.
Por, për këtë çështje ekspertet e sigurisë thonë se nuk ka ndonjë rrezik të mundshëm dhe se Kosova nuk mund të jetë cak i ndonjë sulmi terrorist, raporton TribunaChannel.
Eksperti i sigurisë, Avni Islami thotë se Kosova në bazë të rrethanave dhe pozitës gjeopolitike dhe gjeostrategjike nuk mund të jetë vend target i një sulmi terrorist.
Ndërsa, eksperti Burim Ramadani, thotë se institucionet e Kosovës duhet të qartësojnë më shumë elementet e kërcënimeve dhe për masat e ndërmarra.
