Nxënësja e paemëruar nga Shtetet e Bashkuara, që provoi të digjte një bankënotë prej një dollarëve, duke e ‘lënë të paprekur’ i vuri flakën tërë tavolinës së shtëpisë.
E tëra që donte ajo, ishte të përfundonte këtë eksperiment me materie kimike, por nga flak iu përfshi edhe etanoli i lëngët që e kishte në një enë, transmeton Telegrafi.
Shuarja e flakës nuk shkoi si duhet dhe u përfshi edhe mbulesa që u lag me materien e ndezshme.
“Mos e provoni këtë eksperiment në shtëpi, apo pa mbikëqyrjen e dikujt më të vjetër”, ka qenë shënimi përbri videos, që përfundon pa treguar se si vazhdoi ngjarja.
Mësohet se ajo ka arritur t’i shuante flakët, duke mos pësuar ndonjë djegie në trup, apo dëmtim të konsiderueshëm. /Telegrafi/
