Kooperativa, një format special i Reality Show, që do të ketë për bazë aksion humanitar, është afër finalizimit të përgatitjeve për fillimin e edicionit të parë.
Kooperativa, ku sponsor medial do të jetë edhe Telegrafi, ka identifikuar pesë familje në tre regjione të Kosovës, prej të cilave njëra do të jetë përfituese.
Në Kooperativa do të jenë 18 pjesëmarrës nga të gjitha trevat shqiptare dhe diaspora, që do të vendosen në oborrin e kësaj familje.
Ata do të kenë edhe nga një kryepunëtor VIP, i cili sipas burimeve të Telegrafit do të jetë fituesi i edicionit të tetë të Big Brother Albania, Vesel Kurtishaj.
Gjithashtu në ditët në vazhdim këtij spektali mund t’i bashkohet edhe garuesi i sivjetmë në “Big Brother Albania”, Damiano.
Theksojmë se më pas Kooperativa do të largojë familjen nga shtëpia e tyre dhe detyra e banorëve të do të jetë ndërtimi i një shtëpie të re, nga themeli deri tek mobilimi në detaje më të vogla.
Do të kenë çdo ditë një orar pune, nga ora 09:00 – 17:00 nga e Hëna deri të Premten. Në ndihmë të banorëve do të jenë edhe profesionistë të profesioneve të ndryshme në ndërtim.