Përzgjedhësi i Kosovës, Albert Bunjaku, flet për gjithçka rreth përfaqësueses së Kosovës, kritikave ndaj tij dhe nivelit të futbollit të Kosovës !
———————————————————————————
Përzgjedhësi i përfaqësueses së Kosovës, Albert Bunjaku, nga ora 15:30 në portalin Telegrafi dhe në faqen zyrtare të Telegrafit në Facebook rrëfehet ekskluzivisht për zhvillimet e fundit rreth përfaqësueses së Kosovës dhe në përgjithësi në futbollin kosovar.
Pas shumë kohësh është përzgjedhësi i përfaqësueses ai që do të flasë rreth nivelit të futbollit kosovar dhe ndërlidhjes së këtij niveil me performancat e përfaqësueses së Kosovës.
Çka thotë ai për dy humbjet e rënda të klubeve kosovare dhe eliminimet nga garat evropiane të Trepçës ’89 dhe FC Prishtinës?
Si e vlerëson ai pas këtyre humbjeve performancën e ekipeve kosovare dhe nivelin e tyre në garat evropiane?
Sa ndikon kjo në përfaqësuesen e Kosovës?
Bunjaku u përgjigjet kritikëve të tij pas humbjeve të përfaqësueses së Kosovës dhe cilat janë përshtypjet e tij para duelit të madh ndaj Kroacisë në shtator.
I pari i përfaqësuseses së Kosovës do të flasë edhe për spekulimet për të ardhmen e tij, duke mos harruar as përplasjen publike me lojtarët, një prej të cilëve edhe është larguar duke përmendur atë si shkak.
Pos tjerash, Bunjaku pritet të sqarojë edhe ndikimin e përfaqësueses së Kosovës në futbollin kosovar ashtu sikurse të Superligës!
Të gjitha këto dhe shumë më shumë në një rrëfim pa dorëza të trajnerit të Kosovës vijnë në portalin më të madh vend, Telegrafi.com!
/Telegrafi/