Njëri nga hip-hop artistët më të suksesshëm në skenën shqiptare dhe ndër më aktivët padyshim është edhe Arton Avdyli apo i njohur ndryshe si 2TON.
Ferizajasi ka publikuar së fundmi këngën e re ‘Me mu’, këngë që është pritur shumë mirë nga fansat e tij.
Ende pa kaluar 24 orë nga publikimi i vide klipit, kënga ka arritur 200 mijë shikime në YouTube gjë që është një sukses i madh për këngëtarin.
Në një prononcim ekskluziv për Telegrafin, 2TON ka folur rreth projektit më të ri që ka sjellë në treg si dhe për të ardhmen.
“Kënga është pritur shumë mirë. Është fillimi shumë i mirë, komentet janë të mira deri më tani. Po presim qysh po ec ditëve të ardhshme”, shprehet 2TON për Telegrafin.
Tutje krijuesi i shumë hiteve në Kosovë, ka paralajmëruar edhe një hit të ri verës, që do të jetë bashkëpunim.
“Gjatë javëve të ardhshme do ta publikoj edhe një projekt tjetër, është bashkëpunim dhe do të publikohet gjatë verës. Emrin do ta zbuloj më vonë, deri atëherë dëgjojeni ‘Me mu’”, u shpreh 2TON.
Kujtojmë që këngët e djaloshit nga Ferizaji janë shumë të dëgjuara nga publiku kosovar, ndërsa ai është ndër reperët më të kërkuar për mbrëmje muzikore. /Telegrafi/
