“Kjo e dhënë i mundësoi vendit të përdorë vetëm një pjesë të transhesë së ndihmës, të cilën e zhbllokoi FMN-ja. Rezervat tona devizore u stabilizuan dhe tani arrijnë 3.2 miliardë euro, që është më shumë se niveli i dhjetorit të vitit 2009”, tha guvernatori i Bankës Qendrore, Kemal Kozariq.
Fondi Monetar Ndërkombëtar (FMN) publikoi se ka zhbllokuar 132.8 milionë euro ndihmë plotësuese për Bosnjën e Hercegovinën dhe njëherit i premtoi vendit transhenë e tretë dhe të katërt.
Linja e përgjithshme kreditore nga FMN-ja për BeH-në do të arrijë 379.4 milionë euro. /Telegrafi/