Reperi Abbi e ka publikuar këngën e re me titull “Ejmen”, të cilën e ka shoqëruar me videoklip.
Bazik e ka bërë ‘beat-in’ e kësaj kënge të realizuar nga Radical Records.
Regjinë e videoklipit muzikor e ka bërë Islam Beci.
https://www.youtube.com/watch?v=4mVVM3h-Sok&feature=youtu.be
Arbër Mehmeti është një reper nga Mitrovica, i njohur me emrin artistik Abbi.
Ai nisi karrierën me një ‘mixtape’ me disa këngë të reja, njëra ndër to edhe kënga “Tu bërtit”, të cilën e lansoi në vitin e kaluar.
https://www.youtube.com/watch?v=4wz7Qi4F9hU
Në një intervistë të mëhershme për Telegrafin, ai kishte treguar rreth vështirësive me të cilat përballet një artist i ri në ditët e sotme në tregun muzikor shqiptar.
“Kuptohet që tregu te ne është i vështirë, por kjo mendoj që na motivon edhe më shumë për të punuar drejt kësaj rruge, çdo artist e sidomos ata që merren me hip-hop në fillim kanë pasur vështirësi, por shumica në fund e kanë arritur qëllimin, kështu që unë mendoj që çdo artist i ri duhet të punojë shumë dhe të tregojë shumë më shumë nga vetja”, kishte thënë Abbi. /Telegrafi/