Egzon Bejtullai është kthyer te Shkëndija duke nënshkruar kontratë trevjeçare. Lajmi është konfirmuar nga klubi tetovar.
Mbrojtësi që e përfaqëson Maqedoninë e Veriut, kishte qëndruar për gjashtë sezone (2013-2019) te kampioni, ndërsa në janar të këtij viti u transferua në Suedi te Helsingborgs IF.
Mirëpo, përkundër dëshirës për ta provuar veten jashtë vendit, 26-vjeçari vendosi ta ndërpriste kontratën për shkaqe familjare.
Gjatë periudhës së kaluar te Shkëndija, Bejtullai ishte pjesë e sukseseve më të mëdha në historinë e klubit, duke fituar dy tituj kampion, dy trofe të Kupës, ndërsa ishte në mesin e lojtarëve kryesorë edhe në sukseset në Kupat e Evropës, ku kuqezinjtë në vitet 2016, 2017 dhe 2018 tri herë rresht arritën në fazën ‘play off’ të UEFA Europa League. Paralel me sukseset me Shkëndijën, ai u bë pjesë standarde e përfaqësueses së Maqedonisë së Veriut.
“Edhe pse e dija se një ditë do të kthehesha, kurrë se kisha menduar se do të ndodhte kaq shpejt. Jam i emocionuar. Tetova dhe Shkëndija janë shtëpia ime dhe jam i entuziazmuar që kthehem këtu për të veshur sërish fanellën kuqezi”.
“Jo aspak, për mua gjithmonë Shkëndija ka pasur përparësi. Edhe pse kisha oferta edhe nga jashtë, përfshi edhe vendet fqinje si Kosova dhe Shqipëria, synimi im ishte të qëndroj sa më pranë familjes dhe për atë shkak jam kthyer këtu për të qenë sa më afër familjes”.
“Dëshira dhe synimi për suksese të reja gjithmonë janë të pranishme. Çdo lojtar ku do që të shkojë, qoftë nëse kthen në klubin e tij amë apo kalon në ndonjë klub tjetër, ekziston dëshira për të fituar sa më shumë tituj, sa më shumë suksese si në Evropë, si në kampionat për lojtarin asnjëherë nuk janë pak. Gjithmonë kërkohet më shumë”.
“Mendoj se viteve të fundit Shkëndija gjithmonë ka qenë pretendent për titull edhe pse sezonin e fundit të ndërprerë para kohe rezultatet nuk ishin sipas pritjeve. Mendoj se duhet nga ne lojtarët të ngrihet niveli i performancave edhe më shumë për të arritur sukseset që kërkon klubi”, ka thënë ai për faqen zyrtare të klubit. /Telegrafi/
