Edukatorja e një çerdheje në pjesën qendrore të Kinës është dënuar me tetë muaj heqje lirie, pasi u filmua kohë më parë duke i goditur me kapëse të fletëve fëmijët që nuk donin të flinin.
Kjo grua e identifikuar si Lan, përdorte kapëset e fletëve (mjet i mprehtë i metaltë) për t’i lënduar më shumë se 20 fëmijë të cilët i “shponte” në kraharor, këmbë dhe gjoks në një çerdhe në qytetin kinez Yanta, transmeton Telegrafi.
Lan ka pranuar në sallën e gjyqit se po mundohej t’i frikësonte fëmijët që nuk bindeshin urdhrave të saj, pasi dëshironte që dhunshëm t’i dërgonte në shtrat për të fjetur. Megjithatë ajo ka pranuar se pendohet për këtë veprim.
“Më vjen shumë keq. E kuptoj se jam sjell keq me fëmijët”, ka deklaruar kjo grua në sallën e gjyqit para se t’i kumtohej verdikti.
Sipas komunikatës së lëshuar nga gjykata kineze, gruaja që së fundmi kishte diplomuar në degën edukimit, kishte keqtrajtuar fëmijët dhe kishte keqpërdorur pozitën zyrtare.
Ajo ishte filmuar nga kamerat e sigurisë duke mbajtur në dorë kapësen e letrave, me të cilën i godiste në pjesë të trupit fëmijët të cilët mundohej t’i dërgonte dhunshëm në shtrat. /Telegrafi/
