Ish-mesfushori i Barcelonës, Edmilson insiston që ylli i Paris Saint-Germain, Neymar është një talent më i mirë se shoku i tij i skuadrës, Kylian Mbappe.
Barcelona ka qenë e lidhur me rikthimin e Neymarit në Camp Nou, ndërsa Mbappe është duke u lidhur me një transferim te Real Madridi.
“Unë mendoj kështu”, ka thënë fillimisht Edmilson për Marca kur u pyet nëse Neymar ishte më i mirë se Mbappe.
“Neymar është më i kompletuar kur bëhet fjalë për vendimmarrje”.
“Mbappe është i talentuar dhe i shpejtë, por Neymar ka më shumë kreativitet dhe më shumë cilësi”.
“Ata janë dy lojtarë të shkëlqyeshëm”.
“Mbappe është pak si Thierry Henry dhe Neymar është më afër Ronaldinhos, sepse ai ka kreativitet dhe atë valle braziliane”.
“Nuk po e them sepse jam nga Brazili, sepse mendoj se më i miri është Lionel Messi. Por, Neymar është më i kompletuar se Mbappe”, përfundoi braziliani. /Telegrafi/