Mbrëmë në shoun më të madh më lojëra në televizionet shqiptare, garuan yjet: Gold Ag, Kaltrina Selimi dhe Getinjo për ekipin Milenium, ndërsa për ekipin Golden Eagle garuan: Ylli Demaj, Ari Blue dhe Mentor Hajrizi. Edicioni special i këtij shou u mbajt në qendrën Milenium në Ferizaj.
Mbrëmë u zhvillua një shou madhështor, me shumë lojëra atraktive, si ajo në trampolinë të madhe, pastaj lojërat me sfungjerë në pishinë. Garuesit u dërmuan në lojërat më trampolinë, duke ofruar për publikun momente shumë interesante.
Në fund fitoi ekipi Milenium, gjë që i ka dhënë mundësinë këtij ekipi që më këtë fitore ta vazhdojnë garën në kampionatin e Super Sfidës në vitin 2017.
Gold Ag, Kaltrina Selimi dhe Getinjo, anëtarët e ekipit Milenium, janë yjet e muzikës që po shënojnë kulmin e karrierës së tyre.
Njeriu që e bëri qendrën e argëtimit Milenium, pronari Haziz Hysha, ka theksuar se është shumë i lumtur që bëri diçka të madhe, e cila gjë mund të ju sjellë lumturi fëmijëve dhe të rriturve. Gjithashtu theksoi se ky projekt është realizuar nga një kompani gjermane, duke shtuar se siguria është e nivelit të lartë.
Sipas tij, kjo është qendra më e madhe e llojit të tillë në Ballkan.
Milenium që ndodhet në Ferizaj, është e hapur çdo ditë dhe për të gjithë.
Bashkëpunimi në mes Super Sfida dhe Milenium, ishte befasia e radhës në shoun më të madh në mediat shqipfolëse Super Sfida, duke i dhënë një pamje edhe më madhështore këtij formati./Telegrafi/.