Telegrafi

Edhe trajnerit të Trepçës ’89 i vije keq që Drenica ka rënë nga elita e futbollit kosovar

Trepça ’89 i dha goditjen e fundit Drenicës për mbijetesën në Albi Mall Superligën e Kosovës, pasi i dërgoi ata në Ligën e Parë me fitoren 3-1.

Trajnerit të skuadrës mitrovicas, Shpëtim Idrizi i erdhi keq për këtë fakt, por që fitorja e tyre ka qenë e detyrueshme.

“Duke marrë parasysh kontributin dhe traditën që ka pasur Drenica, mund të them se Drenica nuk e meritoi një gjë të tillë”, ka thënë ai pas ndeshjes për ArtSport.

Lexo po ashtu Trajneri i Drenicës ndjen keqardhje që klubi ra për herë të parë nga Superliga e Kosovës

“Shpresoj që të rikthehet sa më shpejtë, aty ku e ka vendin”.

“Na pret një sfidë e vështirë sepse Ferizaj po luan brenda shumë kompakt”.

“Synimet tona janë të qarta. Do të shkojmë për të marrë një rezultat pozitiv”, është shprehur më tej Idrizi. /Telegrafi/