Shefi i diplomacisë së Maqedonisë, Nikolla Dimitrov, në Konferencën për Marrëveshjen gjithëpërfshirëse për ndalimin e testeve atomike e ka dënuar aktivitetet e Koresë së Veriut në drejtim të zbatimit të programit të saj atomik dhe raketor, përcjell Telegrafi Maqedoni.
Në suaza të Asamblesë së përgjithshme të OKB-së, Dimitrov është takuar edhe me sekretarin e përgjithshëm të OSBE-së, Thomas Greminger, me të cilin ka shkëmbyer mendime për gjendjen në Maqedoni në periudhën e kaluar dhe për reformat e planifikuara nga Qeveria e Maqedonisë. Greminger ka ofruar ndihmë në kuadër të misionit të OSBE-së, duke pasur parasysh entuziazmin e Qeverisë së re për kthimin e vendit në drejtim demokratik.
Poashtu janë diskutuar edhe gjendja e rajonit, roli i misioneve të OSBE-së në terren, agjenda e Dimitrov në lidhje me OSBE, me ç’rast është dërguar ftesë për vizitë të Greminger në Shkup./Telegrafi/