Kylie Jenner është bërë shënjestër e akuzave të reja për zmadhimin e gjoksit.
Edhe pse proporcionet e gjinjve të saj janë rritur dukshëm, ylli televiziv vazhdimisht ka refuzuar se i është nënshtruar korrigjimit estetik.
Mirëpo, ditë më parë, ajo ka publikuar një fotografi të re, ku shihet gjoksi i bujshëm dhe menjëherë kanë nisur komentet në lidhje me zmadhimin e gjoksit.
Sipas ndjekësve të saj në rrjetet sociale, ajo e ka vizituar prapë kirurgun plastik për ta zmadhuar gjoksin.
20-vjeçarja deri më tani ka pranuar se me ndihmën e kirurgjisë estetike i ka korrigjuar vetëm buzët, mirëpo ka kohë që spekulohet se ajo ka intervenuar edhe në të pasme edhe në gjoks.
Në ndërkohë, në muajin shtator u konfirmuan spekulimet se Kylie është në pritje të fëmijës së pare me Travis Scott.
Fëmija pritet të lindë në muajin shkurt, ndërsa zmadhimi i gjoksit mund të lidhet edhe me shtatzëninë.
Kylie është pjesë e familjes së famshme Kardashian/Jenner, ndërsa të gjitha motrat e saja janë përfolur për ndërhyrje estetike, kjo për shkak të ndryshimeve të mëdha në dukjen e tyre. /Telegrafi/
