Bari në stadiumin “Fadil Vokrri” nuk është në gjendjen më të mirë, sidomos te portat, ku pothuajse është zhduku në tërësi.
Stadiumi ‘Fadil Vokrri’ që është nën menaxhimin e FFK-së, nuk po mirëmbahet në mënyrën më të mirë.
Kjo pasi pjesa para portave, nuk ka bari fare dhe kjo u vërejtë në ndeshjen Prishtina-Drenica (2-1), që u zhvillua mbrëmë (e diel).
UEFA e kishte kritikuar Federatën e Futbollit të Kosovës pikërisht për gjendjen e barit në stadiumin “Fadil Vokrrit” para dy ndeshjeve të marsit me Danimarkën dhe Bullgarinë.
Atëkohë iu ishte kërkuar FFK-së që të përmirësojnë e gjendjes së fushës, në të kundërtën Kosova nuk do t’i luante sfidat ndaj Danimarkës dhe Bullgarisë.
Stadiumi ‘Fadil Vokrri’ ende nuk iu është dorëzuar Komunës së Prishtinës që është edhe pronare.
Mbetet që të bëhet edhe pranimi teknik që ka zgjatur tashmë shumë.
Mosdefinimi i pronarit dhe mbikëqyrja e stadiumit nga FFK ka shkaktuar zhurmë në kohët e fundit, sidomos kur u lejua të zhvillohej ndeshja Gjilani – Drita. /Telegrafi/