Megjithëse presidenti Donald Trump po e konteston legjitimitetin e zgjedhjeve presidenciale, tashmë republikani ka marrë urimet e para për fitoren.
Bëhet fjalë për kryeministrin slloven, Janez Jansha, i cili e ka uruar kandidatin republikan për president si dhe vetë republikanët për fitoren në të gjithë SHBA-në, transmeton Telegrafi.
“Është mjaft e qartë që qytetarët amerikanë kanë zgjedhur Donald Trumpin dhe Mike Pencen. Edhe për katër vjet të tjera. Sa më shumë vonesa dhe fakte që mohojnë MSM, më i madh triumfi i fundit për POTUS. Urime republikanë për rezultatet e mira në të gjithë SHBA-në”, ka shkruar ai në llogarinë personale në Twitter.
Ndërkohë, demokratët kanë reaguar ashpër rreth kontestimit të zgjedhjeve nga ana e presidentit, duke thënë se fjalimi i tij ishte fyes, i paparë dhe i pasaktë.
Theksojmë se bashëshortja e Trumit, Melania ka lindur dhe një pjesë të fëmijërisë e ka kaluar në shtetin slloven.
Ndryshe, deri më tani pas votave të numëruara, demokrati Joe Biden po udhëheq me 238 vota elektorale kundrejt rivalit, i cili ka 213 sosh. /Telegrafi/
It’s pretty clear that American people have elected @realDonaldTrump @Mike_Pence for #4moreyears. More delays and facts denying from #MSM, bigger the final triumph for #POTUS. Congratulations @GOP for strong results across the #US @idualliance pic.twitter.com/vzSwt9TBeF
— Janez Janša (@JJansaSDS) November 4, 2020