Shumë tifozë të futbollit pritën që Hakim Ziyech i Ajaxit gjatë verës të gjej një ekip të ri.
Ai shkëlqeu në sezonin 2018/19 me kampionët e Eredivisies dhe ai ishte në dispozicion për klubet që donin ta blinin vetëm për 25 milionë euro për shkak të një klauzole në kontratën e tij.
Sidoqoftë, askush nuk vendosi të investojë në 26-vjeçarin dhe ai përfundoi duke nënshkruar kontratë të re në Ajaxin.
Ziyech këtë edicion e ka dëshmuar se gjigantët e Ligës Premier, por edhe shumë klube të tjera kanë gabuar që nuk e kanë paguar.
Kjo për shkak se marokeni po shkëlqen në edicionin 2019/20.
Në 19 ndeshje në të gjitha garat për Ajaxin, Ziyech tashmë ka regjistruar 20 asistime, duke përfshirë 12 në vetëm 14 ndeshje në kampionatin vendas.
Në Ligën e Kampionëve, Ziyech ka pesë asistime në pesë ndeshje dhe ai gjithashtu shënoi tre gola për Ajaxin në këtë garë.
Ai ka shënuar shtatë gola deri tani. Ziyech arriti 24 asistime për Ajax në tërësi në sezonit e kaluar. /Telegrafi/
https://www.youtube.com/watch?v=0VlH-26BrVA