Mbretëresha e muzikës pop, Madonna, ka rrëmbyer vëmendjen gjatë mbylljes së paradës “World Pride 2019”, që është mbajtur në New York të dielën mbrëma.
Këngëtarja 60-vjeçare, vazhdon të jetë mjaft aktive dhe e ndjekur nga fansat e saj në rrjetet sociale. Së fundmi, në Instagram ka publikuar një video, teksa shfaqet duke bërë ‘twerk’, pranë disa meshkujve.
E veshur në mënyrë provokuese, Madonna e vërteton edhe një herë se përse është ndër femrat më joshëse përkundër moshës që ka.
E njëjta po bën bujë jo vetëm për këngët e saj që janë shumica hite, por edhe për linjat tejet atraktive trupore.
Vlen të ceket se Madonna në qershor ka publikuar albumin e 14-të të titulluar “Madame X”. /Telegrafi/