Një fëmijë i mitur 12 muajsh nga Çairi është shtruar në Klinikën për sëmundje infektive për shkak të sëmundjes së fruthit. Nga shpallja e epidemisë së fruthit në Shkup, janë regjistruar 66 raste nga kjo sëmundje, njoftojnë nga Instituti për Shëndet Publik.
Sipas moshës, shumica janë fëmijë deri në moshën 4 vjeç që nuk janë vaksinuar. Pacienti më i vjetër është i moshës 42 vjeç, prindi i njërit prej fëmijëve, dhe më i vogli është një fëmijë 8 muajsh. Më shumë të sëmur ka kryesisht në komunat Aerodrom dhe Butel. Rastet me fruthin janë të regjistruara pothuajse në të gjitha komunat e Shkupit.
Në Klinikën Infektive janë mjekuar 42 persona, ndërsa për momentin në spital për mjekim gjenden 30 pacientë të cilët janë jashtë rrezikut për jetë.
Ministria e Shëndetësisë ka njoftuar se që nga fillimi i vaksinimit emergjent deri më tani janë vaksinuar 3.350 persona./Telegrafi/