Ilir Latifi ka qenë shqiptari i parë që ka debutuar në UFC, por ai tani nuk do të jetë i vetmi.
Nga vikendi i ardhshëm në kampionatin elitar në botë UFC do të debutojë edhe një luftëtarë shqiptarë dhe ai është Ramiz Brahimaj.
27-vjeçari prej vitesh jeton në Shtetet e Bashkuara të Amerikës, ndërsa shihet si një luftëtarë me të ardhme të ndritur e që ka prejardhje nga Kosova.
Ylli i ri i arteve të përziera marciale debutimin e tij në UFC do ta bëjë ndaj japonezit Takashi Sato.
Ky duel do të zhvillohet më 27 qershor në qytetin amerikan Las Vegas.
Brahimaj deri më tani ka zhvilluar 10 ndeshje në MMA ku ka marrë tetë fitore dhe ka pësuar dy disfata.
Debutimi i tij në UFC pritet të jetë i zjarrtë, pasi shqiptari synon ta nisë me fitore aventurën në kampionatin elitar të sporteve të përziera marciale në botë.
Kësisoj pas Ilir Latifit, Brahimaj bëhet luftëtari i dytë shqiptar që do të garojë në UFC dhe shpresojmë që aventura e tij të fillojë me fitore. /Telegrafi/