Deputetja nga radhët e OBRM-PDUKM-së, Liljana Zaturovska ka dhënë dorëheqje nga funksioni i sekretares së Unionit të Grave në OBRM-PDUKM. Dorëheqja vjen disa orë pas dorëheqjes nga funksioni edhe e kryetares Daniela Rangellova.
“Si sekretare e përgjithshme e emëruar nga kryetarja Rangellova dua ta falënderoj për besimin të cilën ma dha për dy herë dhe kam bërë gjithçka që ta kryej këtë funksion në mënyrë dinjitoze.
Rangellova dhe ekipi ngritën Unionin e Grave në shkallët më të larta të partisë dhe kështu duhet të vazhdohet. Ishte kënaqësi që të kryej funksionin e Sekretares së Përgjithshëm të Unionit të Grave të partisë më të madhe dhe më të fuqishme.
Unë jap një dorëheqje nga ky post me dëshirën më të sinqertë për suksese edhe më të forta të ekipit të ardhshëm që do të udhëheq me unionin.
Qëndroj në shërbim të partisë sime duke respektuar dhe zbatuar vendimet dhe aktivitetet të cilat do të më besohen në të ardhmen”, shkruan Zaturovska./Telegrafi/