Jessica Alba është një tjetër aktore që ka vendosur të flasë për abuzim seksual në Hollywood.
Alba, e cila filloi karrierën si aktore 13-vjeçare, tha në një intervistë për CNN se kishte përjetuar një formë abuzimi seksual.
“Ju ndoshta nuk duhet ta pranoni, por si një aktore e re që rritet në këtë biznes duhet ta pranoni të trajtoheni në këtë formë. Dhe kjo nuk është diçka që e miratoj, sinqerisht … Shumë shpejt kam mësuar se si të dal prej situatave të tilla, megjithatë, nuk ndodhi asgjë serioze”, tha Alba.
“Kjo është e pakëndshme, ju mund të imagjinoni se si ishte. Jam duke e bërë këtë që ka nga mosha 13 vjeç. Paramendoni se çfarë ishte … Ju duhet të i kushtoni vëmendje shenjave që paralajmërojnë për rrezikun, dëgjoni instinktin tuaj që ju thotë se diçka po shkon gabimisht”, paralajmëroi Alba, e cila tha se ishte tepër vonë për të folur rreth këtij problemi.
Duke folur për producentin hollivudian, Harvey Weinstein, të cilin shumë gra e kanë akuzuar për abuzim, por që ka prodhuar një film në të cilin luajti Alba në vitin 2005, tha se kurrë nuk qëndroi e vetme me të.
“Unë kam qenë në situata të ndryshme, dhe për këtë arsye është shumë e rëndësishme që të mendoj për të gjithë vajzat që flasin për të, le ta dinë se vetë e kontrollojnë trupin e tyre dhe mund ta kontrollojnë situatën në të cilën gjenden”, ka thënë bukuroshja.
Ajo ka një karrierë të gjatë prej dy dekadave ndërsa për herë të parë u shfaq në filmin “Camp Nowhere”. Ajo u bë e famshme në saje të serisë “Dark Angel” gjersa luajti në filmat “Sin City”, “Into The Blue” i “Fantastic Four”. /Telegrafi/