Aktivistja e klimës Greta Thunberg të dielën është parë duke u marrë nga policia gjatë një proteste kundër minierave të qymyrit në Gjermani.
Sipas mediave të huaja, përcjell Telegrafi, Thunberg u mor nga policia në fshatin gjerman të Luetzerath, ku protestuesit “po përpiqen të shpëtojnë fshatin nga shkatërrimi nga një minierë qymyri”.
Ajo u largua nga protesta nga dy policë, por nuk u pa në pranga.
Duke folur në protestat e së shtunës, aktivistja e famshme suedeze pohoi se Gjermania “po e turpëron veten” dhe shtoi: “Unë mendoj se është absolutisht absurde që kjo të ndodhë në vitin 2023”.
Thunberg ishte një nga demonstruesit e shumtë atje të shtunën, e cila ka ardhur për të përfaqësuar kundërshtimin ndaj karburanteve fosile.
"Germany is really embarrassing itself right now."@GretaThunberg has joined climate activists in Germany who are resisting the demolition of the Luetzerath village for a coal mine expansion. pic.twitter.com/yEmjWtycVP
— DW News (@dwnews) January 14, 2023
Ajo me sa duket u kthye të dielën dhe ishte ndër demonstruesit e fundit të evakuuar nga zona, mes kritikave për atë që disa e quajtën një goditje të ashpër të policisë. /Telegrafi/