Emily Ratajkowski vazhdon të lë mbresa sa herë që paraqitet në tepihun e kuq.
Modelja e njohur është kujdesur që të bëjë zgjedhjen e duhur të veshjes gjatë pjesëmarrjes në një eveniment të Londër.
Vlen të kujtojmë që Emily është një modele dhe aktore amerikane, e cila famën e arriti në vitin 2013 kur morri pjesë në videon muzikore të Robin Thicke, “Blurred Lines”.
Ajo ishte pjesë edhe e klipit të Maroon 5, “Love Somebody”, për të zbukuruar revistën e famshme, Sports Illustrated, në vitet 2014 dhe 2015.
Angazhimi profesional në një pistë mode erdhi në Javën e modës në New York (2015), kur debutoi me koleksionin e Marc Jacobs. Që atëherë, angazhimet e saja nuk kanë pasur të ndalur nga kompanitë e mëdha.
Nga ana tjetër, Ratajkowski e nisi karrierën e aktrimit si fëmijë në San Diego, por roli i saj i rëndësishëm ishte në vitin 2014, krahas Ben Affleck në “Gone Girl”.
Në vitin 2015 ka aktruar në filmat “Entourage” dhe “We Are Your Friends” (roli i parë kryesor), si edhe në mini-serinë “The Spoils Before Dying”. /Telegrafi/
