Një video tronditëse tregon bodrumin e zymtë ku një djalë, shtatë vjeç, u mbajt peng – nga një pedofil i dyshuar – për 52 ditë.
Sipas mediave të huaja, përcjell Telegrafi, fëmija u rrëmbye ndërsa zbriti nga autobusi i tij shkollor nga Dmitry Kopylov, 26 vjeç, i cili pretendohet të ketë abuzuar seksualisht me viktimën e tij.
Djali u shpëtua dhe u bashkua me prindërit e tij pas një njoftimi nga Interpol bazuar në inteligjencën nga Perëndimi.
Forcat speciale ruse prenë një derë çeliku dhe thyen një dritare për të hyrë në “strofkën” ku ai mbahej.
Djali qeshi nga gëzimi kur ata hynë, por më vonë qau.
Kopylov u kap në kurth pasi dyshohej se ishte mburrur për mbajtjen e djalit në biseda midis pedofilëve.
Dhe pamjet e fundit tregojnë bodrumin me tavan të ulët dhe me mure të zhveshura, ku djali ishte burgosur.
Bunkeri i fshehtë nëntokësor me një shtrat në stilin e burgut dhe një ngrohës ishte i izoluar nën shtëpinë e Kopylov në Makarikha, rajoni i Vladimir, rreth 185 milje larg Moskës, ndërsa rrëmbyesi i dyshuar jetonte në katin e sipërm. /Telegrafi/