Anne Buydens, e veja e legjendës hollivudiane Kirk Douglas, e ka festuar ditëlindjen e saj të 101-të.
Familjarët e saj i kanë publikuar disa fotografi në rrjetet sociale duke e uruar atë për ditëlindje.
Aktori i famshëm, Michael Douglas, e ka publikuar një fotografi të njerkës së tij në Instagram, ndërsa urimit i është bashkëngjitur edhe bashkëshortja e tij, aktorja Catherine Zeta-Jones.
Miqtë e ngushtë dhe familjarët kanë kaluar pranë shtëpisë duke e përshëndetur Annen nga largësia, pasi që nuk kanë mundur të afrohen për shkak të coronavirusit.
Kujtojmë që legjenda Kirk Douglas ndërroi jetë në muajin shkurt të këtij viti në moshën 103-vjeçare. /Telegrafi/