Këto janë imazhet tronditëse të një qenushi të vogël të cilin thuhet se terroristët e ISIS-it e kanë pajisur me një jelek të vogël shpërthyes, i cili supozohet se do të përdorej për ndonjë sulm të mundshëm terrorist.
Siç shkruajnë mediat e huaja, përcjell Telegrafi, bëhet fjalë për një qen i cili do të dërgohej drejt forcave rivale, ku më pas do të shpërthente me anë të një telekomande.
Bomba ishte bërë nga disa shishe të lidhura me disa tela elektrikë. Pajisja është projektuar për të vrarë apo plagosur deri në katër persona, kanë pretenduar rebelët.
ISIS është duke përdorur një gamë të armëve, në betejat për të mbajtur fortesat e tyre në Mosul në Irak dhe Raqqa në Siri.
Më herët ishte thënë se organizata terroriste ka pajisur edhe dronë me telekomandë me granata të improvizuara.
Qeveria e Irakut ka nisur një ofensivë të madhe kundër ISIS-it në Mosul, duke kërkuar për të përzënë grupin terrorist jashtë vendit. /Telegrafi/
