Një adoleshent i pasionuar pas lojërave online ka përjetuar tmerr të vërtetë.
Atij i janë qelbur këmbët, pas 6 ditëve që ka qëndruar në një internet kafe duke luajtur, shkruan the Sun.
19 vjeçari kishte ikur nga shtëpia për në aventurën e çuditshme dhe të rrezikshme të lojërave, transmeton Bota Sot.
Policia thotë se ai u gjet pa ndjenja pas shkurreve afër një hekurudhore në Hangzhou të Kinës.
Këmbët e tij ishin të gjakosura dhe të infektuara dhe vinin erë të qelbur.
Ai u dërgua për trajtim mjekësor, e më pas u tha policisë se nuk kishte ngrënë 3 ditë, pasi të gjitha paratë i kishte shpenzuar për lojëra për aventurën 6 ditëshe.
Fillimisht babai i tij tha se nuk e donte djalin e tij, pasi kishte 10 ditë që ai kishte ikur nga shtëpia dhe nuk bënte gjë tjetër pos fiksimit në lojërat online.
Por, më vonë ai ndryshoi qëndrim dhe e pyeti djalin nëse dëshiron të kthehet me të në shtëpi.
Zyrtarët janë shprehur të shqetësuar për gjendjen e tij, pasi ai do të mund të vdiste po të mos gjendej në kohë.
