Ish e dashura e Nick Kyrgios, Chiara Passari, ka folur për herë të parë pasi tenisti australian u akuzua për sulm ndaj saj.
Çerekfinalisti i Wimbledon u akuzua për sulm ndaj Passarit të martën dhe do të përballet me gjykatën në Australi në gusht, raporton Canberra Times.
Incidenti i supozuar ndodhi në dhjetor 2021 siç konfirmohet nga policia në Canberra – dhe pretendimi është se Kyrgios kapi Passarin – me akuzën që mbart një dënim maksimal prej dy vjet burg.
Ndërsa Kyrgios ende nuk e ka diskutuar drejtpërdrejt incidentin, ai shkoi në Instagram për të postuar një foto të tij duke bashkëvepruar me një fanse të re me mbishkrimin: “Kjo është arsyeja pse unë luaj… Për të gjithë të rinjtë e mi atje, besoni në veten tuaj”.
Kyrgios dhe Passari kishin lidhje nga viti 2020 deri në fund të vitit të kaluar – me yllin e tenisit tashmë të fejuar me Costeen Hatzi dhe ish-e dashura e numrit 40 në botë tani ka thyer heshtjen e saj për incidentin.
Duke iu përgjigjur një komenti në Instagram që e mbrojti atë, Passari tha: “Faleminderit. Më në fund dikush mjaft i zgjuar për të kuptuar se si funksionon sistemi i drejtësisë”.
Ndërkohë, vëllai i Kyrgios, Christos, është shprehur gjithashtu për akuzat, duke postuar: “Urrejtësit dhe gënjeshtarët gjithmonë do të përpiqen të na rrëzojnë – ne e mbajmë 100 dhe shtyjmë përpara”.
27-vjeçari përballet me Cristian Garin në tetshën e fundit në Ëimbledon të mërkurën, duke kërkuar të arrijë një gjysmëfinale të Grand Slamit për herë të parë në karrierën e tij. /Telegrafi/