Cristiano Ronaldo mund të dënohet përsëri për disa ndeshje.
Sulmuesi portugez u rikthye në fushë me Realin pasi ishte dënuar për katër ndeshje pas suspendimit nga federata spanjolle.
Por fituesi i ‘Topit të Artë’, rrezikon një tjetër dënim pas pamjeve filmike të ndeshjes mes Real Madrid dhe Betis 0-1.
Në minutën e 57-të të ndeshjes, pasi kishte humbur topin Ronaldo e shkeli mbrojtësin kundërshtar Mandi.
Kjo ka bërë që mediat katalunase të kërkojnë dënimin e portugezit nga federata e futbollit spanjoll pas pamjeve filmike.
“A ishte i qëllimshëm veprimi i Ronaldos ndaj mbrojtësit të Betisit duke e shkelur në këmbë?”, shkruante e përditshmja ‘Sport’.
“Ronaldo nuk u ndëshkua as me karton të verdhë, por La Liga mund ta dënojë atë pas pamjeve filmike”, vazhdoi tutje gazeta kataluanse.
Mbetet të shihet nëse La Liga do të marrë parasysh ankesën e mdias katalunase për ta dënuar sërish yllin e ‘Los Blancos’. /Telegrafi/