Mesfushori i Republikës Çeke, Michal Sadilek, është përjashtuar nga Kampionati Evropian ‘Euro 2024’ pasi ka rënë nga biçikleta duke e lënduar kështu këmbën.
25-vjeçari i cili luan për klubin holandez Twente, ishte kapiten i ekipit të Ivan Hasek që të premten fituan me rezultat të thellë 7-1 ndaj Maltës duke luajtur 90 minuta të plota.
Ish-mesfushori i PSV Eindhoven ka luajtur 24 ndeshje për shtetin e tij dhe ka luajtur pesë ndeshje për Republikën Çeke në kampanjën kualifikuese për Euro 2024.
Në një komunikatë të dielën, Federata e Futbollit të Çekisë, konfirmoi se Sadilek do të humbasë këtë garë për shkak të një lëndim në këmbë pas rënies nga biçikleta.
Midfielder Michal Sadílek will miss the UEFA EURO 2024 because of injury and won’t travel with the squad to Germany.
Get well soon @Sadilek32 ✊🏻 #EURO2024 pic.twitter.com/8PfhWA9kmP
— Czech Football National Team (@ceskarepre_eng) June 9, 2024
“Është një goditje e madhe për ne, sepse Michal është njëri nga lojtarët tonë më me përvojë. Nuk ishte rastësi që ai e mbajti shiritin e kapitenit në ndeshjen ndaj Maltës”, ka thënë përzgjedhësi i Çekisë, Ivan Hasek.
Republika Çeke do të luajë ndaj Maqedonisë së Veriut nesër (10 qershor) në “testin” e fundit para fillimit të Euro 2024.
Kampanjën e tyre në Euro 2024 çekët do ta nisin ndaj Portugalisë më datë 18 qershor para se të luajnë ndaj Gjeorgjisë katër ditë më vonë dhe ndeshjen e fundit të fazës së grupeve do ta luajnë ndaj Turqisë më datë 22 qershor./Telegrafi/