E raportonin si të sigurt kalimin e tij te Real Madridi, prezantuesit e El Chiringuitos nuk zgjedhin fjalë për ta fyer Mbappen

Kanali televiziv spanjoll El Chiringuito u ‘shpartallua’ kur mësoi të shtunën që Kylian Mbappe kishte refuzuar Real Madridin për të nënshkruar një kontratë të re me Paris Saint-Germain.

Shumë besonin se 23-vjeçari do të transferohej në Madrid këtë verë me përfundimin e kontratës së tij me PSG-në.

Në vend të kësaj, një ofertë e madhe nga skuadra e Ligue 1 erdhi në javën e kaluar dhe Mbappe ka nënshkruar një marrëveshje të re trevjeçare.

Lexo po ashtu Zyrtare: Kylian Mbappe mbetet në PSG

Është parë që çdo person i përfshirë në futbollin spanjoll të humbasë mendjen dhe sigurisht që El Chiringuito e ngriti debatin edhe më tej.

Prezantuesi i njohur, Josep Pedrerol, ishte i pari që reagoi dhe ai bëri një fjalim emocionues para kamerës.

Ai ka qenë këmbëngulës për lëvizjen e Mbappes në Santiago Bernabeu për vite me radhë dhe madje kishte orën e tij ‘tic tac’ të dedikuar për këtë lëvizje.

Lexo po ashtu Al-Khelaifi i emocionuar për rinovimin e Mbappe: Zgjatja e kontratës shënon një moment të jashtëzakonshëm në historinë e klubit tonë

“Kur Mbappe bëri atë vendim, ju njoftova për këtë”, deklaroi ai. Unë ju sigurova se ai do të luante për… Real Madridin. Unë jam budalla. Unë jam budalla. Sepse besoj fjalët e njerëzve. Do të mësoj nga kjo”.

Nga ana tjetër, Jose Felix Diaz ishte në një humor të keq dhe shumë më agresiv.

Diaz beson se Mbappe nuk e ka mbajtur fjalën e tij pasi “u tha po” kushteve të Los Blancos dhe më pas pretendoi se “nuk do të jetë kurrë një njeri i madh”.

“Vetëm 10 ditë më parë ju po i jepnit fjalën (Real Madridit)”, shprehet Diaz. “Të kanë dërguar një fanellë dhe ti e ke marrë për ditëlindje”.

“Ju po mohonit raportimet që dolën të ishin të vërteta. Mbappe, ju nuk jeni sportist. Ju nuk e mbani fjalën tuaj. Nuk jeni burrë. Është kaq e qartë. Unë nuk mund t’ju konsideroj si të tillë”.

“Pse? Sepse ju keni mashtruar miliona njerëz, jo vetëm Florentino Perezin. Vetëm dy javë më parë, apo edhe 10 ditë më parë, ju thatë ‘po’”.

“Atëherë ke qenë aq frikacak sa nuk ke marrë as në telefon, thjesht ke dërguar një mesazh, thjesht ke treguar se çfarë je, je një njeri që nuk e mban fjalën”.

“Do të jesh një lojtar i madh, por kurrë një njeri i madh”, ka shtuar më tej ai.

La Liga synon të raportojë PSG-në në UEFA dhe ata besojnë se ajo që ata kanë shpenzuar për të siguruar nënshkrimin e Mbappe ‘kërcënon qëndrueshmërinë ekonomike të futbollit evropian’.

Mbappe shënoi një hat-trick të shtunën, disa orë pasi u njoftua rinovimi i tij, në një fitore 5-0 ndaj Metz. /Telegrafi/