Marash Kumbulla është njëri nga mbrojtësit më të talentuar në Serie A dhe këtë edicion ai ka shkëlqyer.
E falë paraqitjeve të tij të mira edhe Verona ka marrë rezultate të shkëlqyeshme në këtë fillim edicioni, duke qenë mbrojtja e dytë më e mirë në Serie A pas asaj të Juventusit.
Marash Kumbulla dhe Amir Rrahmani padyshim që kanë meritat më të mëdha për këtë ecuri fantastike të Veronës.
E për mbrojtësin e talentuar të Kombëtares së Shqipërisë, interesim ka shfaqur Interi që prej kohësh është duke e ndjekur.
Këtë e ka konfirmuar edhe menaxheri i lojtarit Giani Vitale.
“Po, Interi po e ndjek dhe e monitoron. Klubi zikaltër është gjithmonë shumë i vëmendshëm ndaj profileve të rinj që bien në sy në elitë dhe në të gjithë kampionatet e tjerë. Në këtë moment nuk flitet për negociata të hapura mes Interit dhe Veronës”, theksoi Vitale për mediat italien. /Telegrafi/