Studenti i cili u përjashtua nga shkolla për shkak të problemeve disiplinore vrau me kallashnikov gjashtë ish-shokët e klasës dhe një pjesëtar të sigurisë në shkollën e tij.
Siç bëjnë të ditur mediat e huaja, përcjell Telegrafi, bëhet fjalë për një ngjarje të ndodhur në Kenia, gjegjësisht në qytetin e largët të Lokichogio në rajonin e Turkanit, pranë kufirit me Sudanin e Jugut.
Sulmuesi ishte 17 vjeç dhe ishte nga Sudani i Jugut, një nga mijëra refugjatët që jetojnë në Kenia dhe ndjekin shkollën atje, pasi që në vendin e tyre në vitin 2013 shpërtheu lufta civile.
Nga Sudani i Jugut thuhet se kishin ikur rreth 2 milionë njerëz, shumica nga gjenocidi në Ruandë në vitin 1994. Pothuajse 74,000 prej tyre në Kenia.
Sipas mediave lokale, katër djem, dy vajza dhe roja e shkollës lokale janë vrarë.
Ky rajon kufizohet me Sudanin e Jugut e shkatërruar nga lufta, dhe aty zhvillohet një tregti e përbashkët e armëve, ndaj të cilit policia e Kenias nuk kanë asnjë kontroll.
Gjithashtu aty është Somalia ku militantët e al-Kaidës janë aktivë. /Telegrafi/
https://www.youtube.com/watch?time_continue=3&v=jD6uf7DxQ8A
