Polici Hector Guzman ka filmuar diçka të pazakontë në stacionin e metrosë në Los Angeles, ku një grua po këndonte opera, ku më pas kjo video e tij është bërë hit në internet.
Për vetëm tre ditë kjo video është shikuar nga më shumë se 270 mijë persona. Bëhet fjalë për Emily Zamourka, 52-vjeçe nga Rusia, e cila kishte shkuar në SHBA disa dekada më parë, transmeton Telegrafi.
Ajo ka folur për mediat amerikane se si për shkak të problemeve shëndetësore ka përfunduar në rrugë – si e pastrehë. E për të mbuluar shpenzimet, kishte filluar të luaj në rrugë, por dikush ia kishte vjedhur violinën dhe kështu gjërat vetëm sa u përkeqësuan.
4 million people call LA home. 4 million stories. 4 million voices…sometimes you just have to stop and listen to one, to hear something beautiful. pic.twitter.com/VzlmA0c6jX
— LAPD HQ (@LAPDHQ) September 27, 2019
Ajo thotë se i pëlqen të këndojë për shkak të tingujve akustik që ia rikujtojnë paraqitjet në sallë, dhe shpreson që kjo “famë” e arritur përmes videos do t’i ndihmojë të ngritet sërish në këmbë.
“Do të jem falënderues secilit person që mundohet të më ndihmojë të largohem nga rruga dhe të sigurojë një shtëpi të re dhe instrumentin tim të preferuar”, ka deklaruar Emily për televizionin amerikan ABC 7. /Telegrafi/
