Dokumentari i ri i titulluar “Të huaj që përngjajnë”, do të sjellë ballë përballë njerëzit që ngjajnë shumë me njëri-tjetrin, por që në fakt nuk janë binjakë dhe nuk kanë kurrfarë lidhje familjare apo gjaku.
Televizioni Channel 4, do të kërkojë njerëz nga e mbarë bota për t’i ballafaquar me sozitë e tyre me të cilët ndajnë shumë tipare të njëjta, transmeton Telegrafi.
Besohet se çdo fytyrë ka të paktën shtatë njerëz në botë që kanë veçoritë e njëjta. Dhe kështu së fundmi në rrjetet sociale, njerëzit kanë filluar të kërkojnë sozitë e tyre nëpër botë.
Ky fenomen ka habitu edhe ekspertët e binjakëve nga Departamenti për hulumtime të binjakëve në spitalin “Shën Thomas” në Londër. /Telegrafi/
