Policia shqiptare ka shoqëruar një tjetër person për vrasjen e Arian Gosës, pasditen e së dielës në Kavajë.
Klan News raporton se bëhet fjalë për Ervis Kurtin, shokun e autorit të dyshuar të kësaj ngjarjeje, 31-vjeçarit Habib Rexha.
Kurti është ndaluar pas dyshimeve se ka ndihmuar 31-vjeçarin të largohej pas krimit.
Vetë ky i fundit, në dëshminë e dhënë para hetuesve, tha se kishte qenë shoku i tij që e kishte shoqëruar me makinë drejt Kukësit.
Habib Rexha, në dëshminë e tij raportohet të jetë shprehur se e vrau Arian Gosën nga gjaknxehtësia.
Rexha ka thënë se armën me të cilën kreu krimin e mbante me vete. Ai e ka parë viktimën e tij rastësisht në kafe dhe më pas ka vepruar nga gjaknxehtësia.
Pas kësaj është larguar bashkë me një shok nga Durrësi në drejtim të Kukësit.
Kujtojmë që Rexha u vetë-dorëzua ditën e sotme me vullnet të lirë dhe pas kërkesës së familjes. Ai qëndroi 2 ditë në arrati pasi vrau Arian Gosën në një lokal të Kavajës pasditen e së dielës.