Një grua 92-vjeçare është dërguar me urgjencë në spital me lëndime të rënda pasi një makinë u përplas në anën e shtëpisë së saj në Bolton.
Sipas mediave të huaja, përcjell Telegrafi, imazhet nga vendi i ngjarjes në Westhoughton tregojnë një BMW të zezë në shtëpinë e pensionistes pasi u përplas me parmakët jashtë pronës në orët e para të mëngjesit të së dielës, përpara se të thyente dritaren e saj të përparme.
Policia e Mançesterit konfirmoi se ajo ishte brenda në atë kohë dhe pësoi ‘lëndime të rënda në këmbë’.
Policia, zjarrfikësit dhe Shërbimi i Ambulancës Veriperëndimore u thirrën në vendngjarje menjëherë pas aksidentit.
Një 39-vjeçar është arrestuar dhe po merret në pyetje pasi dyshohet për kundërvajtje në drejtim të automjetit. /Telegrafi/