Anna Mae Blessing, 92-vjeçe, kishte vendosur ta vret të birin 72-vjeç, vetëm pse planifikonte ta dërgonte në shtëpinë e pleqve.
Pas veprimit makabër derisa policët po e arrestonin ajo ka thënë: “Ai më ka marrë jetën, kështu që vendosa edhe unë t’ia marrë jetën”, transmeton Telegrafi.
Anna Mae që jetonte së bashku me të birin dhe të dashurën e tij në një shtëpi në Arizona, kishte planifikuar t’ia marrë edhe vetes jetën, por në fund kishte dështuar ta bëjë një gjë të tillë.
Incidenti ka ndodhur më 2 korrik, kurse arsyeja pse i biri kishte vendosur ta dërgojë në shtëpinë e pleqve, ishte që “jeta me të ishte bërë e pamundur”.
Kjo grua e moshuar që kishte në pronësi dy revole, pas një mosmarrëveshje me të birin në dhomën e gjumit kishte tërhequr këmbëzën revoles duke e lënë të vdekur në vend të birin.
Më pas ajo ia kishte drejtuar revolen edhe të dashurës së tij, megjithatë kishte arritur t’ia largoj revolen duke e shtyrë dhe rrëzuar në tokë.
Por, e moshuara ishte këmbëngulëse dhe nxori nga brezi revolen tjetër për ta qëlluar, edhe pse e dashura e të birit kishte ikur nga shtëpia për të kërkuar ndihmë nga policia.
Me të mbërritur në vendin e ngjarjes, policia ka gjetur Anna Maen duke qëndruar e ulur në karrige. Ajo është akuzuar për vrasje, sulm dhe rrëmbim. /Telegrafi/