Milani ka njoftuar sot (e shtunë) se nuk ka pasur asnjë rast pozitive me Covid-19′ te lojtarët dhe stafi, pasi komentet e Presidentit Paolo Scaroni shkaktuan konfuzion .
Rossonerët i janë nënshtruar testeve për coronavirus gjatë ditëve të fundit dhe tashmë janë zyrtarizuar rezultatet e futbollistëve dhe stafit.
“Ne kemi disa lojtarë të infektuar në mendje”, ishte deklarata e Scaronit, e cila krijoi konfuzion, por tani Milani ka konfirmuar se nuk ka asnjë rast pozitiv në klub.
Official Statement: https://t.co/leB7hXO5qb
Nota Ufficiale: https://t.co/GFBI6FqZq0 pic.twitter.com/r2Alg4DJAe
— AC Milan (@acmilan) May 9, 2020
“AC Milan njofton se, bazuar në testet mjekësore të kryera deri më tani si për lojtarët e ekipit të parë, ashtu edhe për stafin, nuk ka pasur ndonjë rast pozitiv të Covid-19”.
“Ekipi do të vazhdojë programet e tyre të trajnimit individual në Milano”.
“Të gjitha ekzaminimet e duhura mjekësore do të përfundojnë për të gjithë lojtarët në dispozicion të trajnerit në ditët në vijim”, thuhet në deklaratën e lëshuar nga klubi.
Ndryshe, edhe Interi dje (e premte) gjatë ditës konfirmoi se nuk ka asnjë rast të infektuar me coronavirus. /Telegrafi/